काठमाण्डु – गोरखाको चुमनुब्री गाउँपालिका–१ स्थित मनास्लु हिमालको शिविरमा हिम पहिरो गएको छ ।

मनास्लु हिमालको तेस्रो र चौथो क्याम्पको बीचमा सोमबार बिहान ११ बजे हिमपहिरो गएको हो । हिम पहिरोमा परी पाँच जना नेपाली पर्यटक बेपत्ता भएको प्रहरीले जनाएको छ ।

हिमपहिरोमा बेपत्ता हुनेहरुमा दावा शेर्पा, फुरिता शेर्पा, निग्मा दोर्जे शेर्पा, लाक्पा तामाङ र जीतबहादुर शेर्पा छन्। बेपत्ता आरोहीहरुको खोजीका लागि दुइटा हेलिकोप्टर त्यसतर्फ परिचालन गरिएको एसपी केदार खनालले जानकारी दिए।