काठमाडौं- वन तथा वातावरणमन्त्री शक्तिबहादुर बस्नेत र अमेरिकी राजदूत अलाइना वी टेप्लिजबीच शिष्टाचार भेटवार्ता भएको छ । शुक्रबार भएको भेटमा  मन्त्री बस्नेतले नेपाल र अमेरिकाबीच ७० वर्ष लामो कुटनीतिक सम्बन्ध रहेको उल्लेख गर्दै आगमी दिनमा थप प्रगाढ सम्बन्ध निर्माण गर्न सरकार तयार रहेको बताए ।

राजदूत टेप्लिजले नेपालको वन तथा वातावरण संरक्षणको क्षेत्रलाई ट्रम्प प्रशासनले प्राथमिकतामा राखेको बताउँदै नेपालको लोकतन्त्र सुदृढीकरण र संघीयता कार्यान्वयनमा अमेरिकाले सहयोग गर्ने बताइन् ।

राजदूत टेप्लिजले नेपालमा ‘सफा हावा’ कार्यक्रमअन्तर्गत वातावरण मन्त्रालयसँगको सहकार्यमा कम्प्युटर सफ्टवेयर उपलब्ध गराउन लागेको जाकनारी दिईन् ।

मन्त्री बस्नेतले वातावरण प्रदूषणका लागि नेपालले विश्वसमुदायसामु जनाएको प्रतिबद्धता र सन्धिहरुको कार्यान्वनमा सक्रिय भएर लाग्ने प्रतिवद्धता जनाएका छन् ।