काठमाडौं – गायक सुरज कालाखेतीको स्वरमा रहेको नयाँ गीत ‘मायालु आउने बाटोमा’ म्यूजिक भिडियो सहित सार्वजनिक भएको छ ।

कमल खत्रीको शब्द संगीत र रितेश गुरुङ्को सम्योजन रहेको उक्त म्यूजिक भिडियोमा मोडल सिम्पल खरेलले निर्देशन गरेकी छिन् । अभिनय पनि मोडल खरेल र समिप तामाङको रहेको छ । उत्तम हुमागाईले छायाँकन गरेको गीतलाई पवन सुस्लिङले सम्पादन गरेका हुन् ।

युवापुस्ताको माया प्रेमलाई मध्यनजर गरिएको सो गीतलाई दर्शक श्रोताले मन पराउने विश्वास लिएको गायक कालाखेतीले बताए । उक्त गीत लिरिकल भिडियोबाट पनि राम्रो प्रशंसा बटुल्न सफल भएको थियो ।