डडेल्धुरा – पत्नी २४ वर्षीया अस्मिता थापा मगरको हत्या गरेको अभियोगमा अमरगढी नगरपालिका–३ पथरोडा बस्ने ३२ वर्षीय डम्बरबहादुर थापा मगर पक्राउ परेका छन् ।

घरायसी वादविवादको क्रममा डम्बरबहादुरले आफ्नै घर आँगनमा एकनाले भरूवा बन्दुकबाट गोली प्रहार गर्दा अस्मिताको घटनास्थलमै मृत्यु भएको हो ।

जिल्ला प्रहरी कार्यालय डडेल्धुरा र प्रहरी चौकी बागबजारबाट खटिएको प्रहरी टोलीले उनलाई भरूवा बन्दुकसहित पक्राउ गरेको छ ।

हत्या सम्बन्धमा आवश्यक अनुसन्धान गरिरहेको प्रहरीले जनाएको छ ।