म्याग्दी – म्याग्दीमा पहिरोले घर पुर्दा एकै परिवारका ५ जनाकाे  मृत्यु भएकाे छ । मंगलबार बिहान साढे ६ बजेतिर मालिका गाउँपालिका-२ रुममा खसेको पहिरोले पुर्दा एकै परिवारका ५ जनाकाे  मृत्यु भएकाे जिल्ला प्रहरी कार्यालय म्याग्दीले जनाएकाे छ ।

प्रहरीका अनुसार मंगलबार बिहान साढे ६ बजेतिर खसेको पहिरोले पुर्दा गोठे विकका छोराहरु १७ वर्षीय नवीन र १४ वर्षीय राजन विकको घटनास्थलमै मृत्यु भएको थियो ।

पहिरोमा पुरिएका छिमेकी परिवारका ३७ वर्षीय घामबहादुर, उनकी ३२ वर्षीया श्रीमती राममाया र ८ वर्षीया छोरी रोजीको मृत्यु भएको हो । पहिरोमा पुरिएका उनीहरुको शव स्थानीयले पहिरो खनेर मंगलबार दिउँसो १२ बजेतिर निकालेका हुन् । पहिरोमा परी घाइते भएका ६२ वर्षीय गोठे विक र उनकी ६७ वर्षीया गोरी विकको स्वास्थ्यचौकीमा उपचार भइरहेको छ ।

पहिरोले गोठहरू पनि पुरिएका छन्। कतिपय चौपायहरू मृत र बेपत्ता समेत छन्।