काठमाण्डु – कोरोना भाइरस सङ्क्रमणको महामारीले डुबेको चलचित्र क्षेत्रका नायक नायिकाहरू म्युजिक भिडियोमा देखिन थालेका छन् ।  पछिल्लो समय कोरोना संक्रमणदर घटेपनि चलचित्र क्षेत्रले भने गति लिन सकेको छैन् । चलचित्र क्षेत्रले गति लिन नसके पछि नायक नायिकाहरू भने म्युजिक भिडियोमा व्यस्त देखिन्छन् । यता नाजिर हुसेन पनि पछिल्लो समय निकै म्युजिक भिडियोतिर देखिन थालेका छन् ।

आइत स्याङ  गुरुङको स्वर रहेको ‘आज जान देउ’  बोलको गीत संगीत भकारी युट्युब मार्फत सार्वजनिक भएको छ । जहाँ नाजिरले चिकित्सकको भूमिका निर्वाह गरेका छन । मौसम हिमालीद्वारा निर्देशित  भिडिओमा अनिल कुमार मानन्धरको छायाँकन तथा विष्णुहरि तिम्सिनाको सम्पादन रहेको छ ।  उक्त गीत सौरव तिम्सिनाको शब्द, प्रबिन दियालीको संगीत तथा सन्जिब बराइलीको संगीत संयोजन रहेको छ । भिडिओमा शिक्षा संग्रौला र  सशस्त्र प्रहरीका इन्सपेक्टर पृथ्वी खनाल लाई पनि देख्न सकिन्छ ।