काठमाडौं – पूर्व शिक्षा राज्यमन्त्री तथा नयाँ शक्ति नेपालका कार्यकारिणी सदस्य लिला भण्डारी सहित नयाँ शक्ति नेपालका १४६ जना नेता कार्यकर्ता नेकपा एमालेमा प्रवेश गरेका छन् । सोमबार नेकपा एमालेको केन्द्रीय पार्टी कार्यालय धुम्बाराहीमा आयोजित एक कार्यक्रमका बीच प्रधानमन्त्री एवं नेकपा एमालेका अध्यक्ष केपी शर्मा ओलीले उनीहरूलाई पार्टी प्रवेश गराएका हुन् ।

पार्टी प्रवेश पछि बोल्दै पूर्व राज्यमन्त्री लिला भण्डारीले देशमा नयाँ अध्यायको सुरूवात भएको र यसको नेतृत्व नेकपा एमालेले गर्ने विश्वास व्यक्त गर्दै आफु २२ वर्ष पछि पुनः एमालेमै फर्किएको उल्लेख गरे ।

उक्त कार्यक्रमलाई सम्बोधन गर्दै प्रधानमन्त्री समेत रहनु भएका नेकपा एमालेका अध्यक्ष केपी शर्मा ओलीले नेकपा एमालेको निति, सिद्धान्त र प्रक्रिया सर्वोत्कृष्ट भएको दाबी गरेका छन् । फरक प्रसंगमा बोल्दै प्रधानमन्त्री ओलीले आफ्नो भारत भ्रमणका विषयमा विपक्षीहरूले लम्पसारवाद प्रवृत्ति देखाएको भन्ने आरोपको कटाक्ष समेत गरे ।