एजेन्सी – बलिउडकी चर्चित गायिका नेहा कक्कड र गायक आदित्यनारायणले विवाह गर्ने भएका छन् । नेहा र आदित्यनारायणले फेब्रुअरी १४ मा विवाह गर्न लागेका हुन् ।

सोनी टीभीले यी दुई रोमान्स गरिरहेको एक भिडियो सेयर गरेको छ । उक्त शेयर गरिएको भिडियोमा यी दुई ‘काटे नहीं कटते दिन ये रात’ बोलको गीतमा नृत्य गरेका छन् । भिडियोको क्याप्सनमा लेखिएको छ, ‘१४ फेबुअरी (मिति याद गर्नुहोस् किनभने यो दिन आदित्य र नेहा विवाह गर्दैछन् ।’

इन्डियन आइडलको मञ्चमा आदित्य र नेहाको परिवार पनि पाहुनाको रूपमा उपस्थित भइसकेका छन् । दुबैको परिवारले विवाहको लागि मञ्जुरी दिइसकेको छ । इन्डियन आइडल ११ को सेटमा ‘भ्यालेन्टाइन्स डे’ स्पेसल एपिसोडमा यी दुईले सात फेरो पनि लिने सोनी टीभीले जनाएको छ ।

यसबाहेक नेहा कक्कड र आदित्यनारायणले पनि सोसल मिडियामा यसबारे जानकारी साझा गरेका छन् । नेहाले पनि इन्स्टाग्राममा एउटा फोटो पोस्ट गर्दै लेखेकी छिन्, ‘फेब्रुअरी १४’ ।