काठमाण्डु – नेकपा एमालेको स्थायी कमिटी बैठक आज पनि बस्ने भएको छ । पार्टी अध्यक्ष एवम् प्रधानमन्त्री केपी शर्मा ओलीले अपराह्न ४ बजे बालुवाटारमा बैठक बोलाएका हुन् ।

स्थायी कमिटी सदस्य छविलाल विश्वकर्माका अनुसार बैठकमा पार्टी एकताका लागि दोस्रो तहका नेताबीच भएका छलफलबारे ब्रिफिङ गर्ने तयारी छ ।

साथै बजेट र लुम्बिनी प्रदेशमा भएको राष्ट्रिय सभा उप निर्वाचनलगायतका विषयमा छलफल हुने बुझिएको छ ।