काठमाण्डु-क्यानडामा हुने एकदिवसीय क्रिकेट सिरिजको खेल तालिका सार्वजनिक गरिएको छ ।

नेपाल क्रिकेट संघ क्यानले आइसीसी पुरुष क्रिकेट विश्वकप लिग–२ सीडब्लुसीमा नेपाल, क्यान्डा र ओमानबीचको खेल तालिका सार्वजनिक गरेको छ ।

खेल तालिकाअनुसार नेपालले आफ्नो पहिलो खेल क्यानडासँग १६ सेप्टेम्बरमा खेल्नेछ । १८ सेप्टेम्बरमा हुने दोस्रो खेलमा नेपालले ओमानसँग प्रतिस्पर्धा गर्नेछ ।

२२ सेप्टेम्बरमा नेपालले क्यानडासँग खेल्नेछ । २४ सेप्टेम्बरमा नेपालले ओमानसँग आफ्नो चौथो खेल खेल्नेछ । सबै खेल बेलुकी पौने ८ बजे सुरु हुनेछन् ।

ओडीआई सिरिज सकिएको २ दिनपछि तीनवटै टोलीबीच टी–२० अन्तर्राष्टंरिय सिरिज हुने छ । टी २० आईमा पनि नेपालले घरेलु टोली क्यानडाको सामना गर्नेछ ।