काठमाडौं – नेपाल राष्ट्रिय क्रिकेट टिमको कप्तानमा ज्ञानेन्द्र मल्ल छनौट भएका छन् ।

यस अघि उपकप्तानको जिम्मेवारी सम्मालेका मल्ललाई कप्तान पारस खड्काले दिएको राजीनामा स्वीकृत गर्दै नेपाल क्रिकेट संघ (क्यान)ले कप्तानको जिम्मेवारी दिएको हो । क्रिकेट संघको निलम्बन भएको भोलिपल्टै खड्काले कप्तान पद छाड्ने घोषणा गरेका थिए । यता उपकप्तानको जिम्मेवारी भने दीपेन्द्र सिंह ऐरीलाई दिइएको छ ।