चारदेशीय महिला टी–२० : नेपालले नामिबियासँग खेल्दै

चारदेशीय महिला टी–२० : नेपालले नामिबियासँग खेल्दै

फन्ट परिवर्तन गर्नुहोस:

  • change font
  • change font
  • change font

काठमाण्डु –चारदेशीय महिला टी–२० अन्तर्राष्ट्रिय क्रिकेट शृङ्खला अन्तर्गत नेपालले आफ्नो पहिलो खेलमा शनिबार नामिबियासँग खेल्दैछ ।

नेपाल र नामिबियाको खेल युगान्डाको एन्टेब्बे क्रिकेट मैदानमा नेपाली समयअनुसार बेलुका पौने ५ बजे शुरू हुनेछ । नेपालले नामिबियाको महिला टोलीसँग पहिलो पटक खेल्न लागेको हो ।

शृङ्खलामा नेपालसहित घरेलु टोली युगान्डा, नामिबिया र हङकङ छन् । शृङ्खलामा सबै टोलीले एकअर्कासँग समान २र२ खेल खेल्नेछन् । जसमा नेपालले आइतबार युगान्डासँग खेल्नेछ भने सोमबार हङकङसँग खेल्ने छ । त्यसैगरी फागुन २८ गते नामिबियासँग, २९ गते युगान्डासँग र ३० गते हङकङसँग पनि खेल्ने तालिका छ ।

लिग चरणको शीर्ष दुई टोलीले फाइनल खेल्नेछन् । फाइनल खेल चैत ३ गते हुनेछ ।