काठमाण्डु – त्रिकोणात्मक टि–२० सिरिज अन्तर्गत नेपालले मलेसियालाई ६९ रनले पराजित गरेको छ । टियु क्रिकेट मैदानमा आज भएको अन्तिम खेलमा नेपालले मलेसियालाई ६९ रनले पराजित गरेको हो ।

नेपालले दिएको २ सय १८ रनको विशाल लक्ष्य पछ्याएको मलेसियाले निर्धारित २० ओभरको खेलमा १९.१ ओभरमा अलआउट हुँदै १४८ रनमा समेटियो ।

मलेसियालाई रोक्न नेपालका लागि सोमपाल कामी, कमल सिंह ऐरी र सन्दीप लामिछानेले ३–३ विकेट लिए । सुशन भारीले १ विकेट हात पारे ।

यसअघि करन केसीले सानदार ब्याटिङको मद्दतमा नेपालले त्रिकोणात्मक टी–ट्वान्टी आई क्रिकेट सिरिज अन्तर्गत राउन्ड रोविनको अन्तिम खेलमा मलेसियालाई २ सय १८ रनको लक्ष्य दिएको छ ।

टस हारेर ब्याटिङको निम्तो पाएको नेपालले ७ विकेटको क्षतिमा २ सय १७ रन बनाएको छ । नेपालले टि ट्वान्टीमा बनाएको यो दोस्रो सर्वाधिक रन हो ।