काठमाण्डु – शेयर बजार नेप्से परिसूचक मंगलबार १५ अंकले घटेको छ ।

सोमबार १४ अंक बढीले घटेको नेप्से मंगलबार १५.०८ अंकले घटेर २६३१.९८ विन्दुमा झरेको छ ।

नेप्सेसँगै मंगलबार कारोबार रकम पनि घटेको छ । सोमबार ८ अर्ब ९१ करोडको शेयर खरिदबिक्री भएकोमा ७ अर्ब ५७ करोड ५२ लाख शेयर खरिदबिक्री भएको छ ।

मंगलबारको कारोबारमा ५७ कम्पनीको शेयर मूल्य बढ्दा १८८ कम्पनी मूल्यको घटेको छ । १३ उपसमूहमध्ये मंगलबार १ उपसमूहको परिसूचक बढेको छ भने १२ उपसमूहको परिसूचक घटेको छ ।

म्युचुअल फण्ड उपसमूहको परिसूचक सामान्य बढेको छ । कारोबारमा आएको वित्त उपसमूहको परिसूचक मंगलबार सर्वाधिक १.२२ प्रतिशत घटेको छ ।