काठमाडौं–शिक्षा, विज्ञान तथा प्रविधिमन्त्री गिरिराजमणि पोखरेल आज आणविक सम्मेलनमा भाग अस्ट्रिया प्रस्थान गरेका छन्।

अस्ट्रियाको भियानामा  हुने अन्तर्राष्ट्रिय आणविक ऊर्जा संस्था (आइएइए)को मन्त्रिस्तरीय ‘आणविक विज्ञान तथा प्रविधि : वर्तमान र हालको विकास चुनौतीलाई सम्बोधन’ सम्मेलनमा भाग लिन जानुभएको उनका निजी सचिव पुष्पराज ढकालले जानकारी दिए ।

सम्मेलनमा मन्त्री पोखरेलले सरकारले बनाएको पारमाणविक तथा रेडियोधर्मी पदार्थको सुरक्षित तथा शान्तिपूर्ण प्रयोग सम्बन्धमा व्यवस्था गर्न बनेको विधेयकको र सङ्घीय संसद्बाट पारित भएको पारमाणविक विज्ञान तथा प्रविधिसम्बन्धी अनुसन्धान विकास र तालीमका लागि सम्पन्न क्षेत्रीय सहयोग सम्झौता–२०१७ को समेत जानकारी गराउने कार्यक्रम रहेको निजी सचिव ढकालले बताए।