काठमाण्डु – राष्ट्रिय स्वतन्त्र पार्टी (रास्वपा) सभापति रवि लामिछाने हिरासतमा सुतिरहेको अवस्थाको तस्वीर सार्वजनिक गरेको आरोपमा पक्राउ परेका डा. निकोलस भुसाल रिहा भएका छन् ।

आईतबार राति काठमाण्डुको थलीबाट पक्राउ परेका उनलाई सोमबार नै कास्की लगिए पनि अदालतले थुनामा राख्न अनुमति नदिएपछि प्रहरीले रिहा गरेको छ ।

जिल्ला प्रहरी कार्यालय कास्कीले बाहिरबाटै अनुसन्धान गर्ने गरी उनलाई छाडेको सूचना अधिकारी प्रहरी नायब उपरीक्षक वसन्तकुमार शर्माले जानकारी दिए ।

गत बुधबार रातिदेखि रवि हिरासत कक्षमा सुतिरहेको सीसीटीभी फुटेजको फोटो भाइरल भएपछि बिहीबार भुसालले सामाजिक सञ्जालबाट तस्वीर आफूले खिचेको बताएका थिए । त्यसपछि उनी पक्राउ परेका थिए ।