काठमाण्डु-नेपाल प्रिमियर लिग (एनपीएल)मा ६ जना विदेशीले कमेन्ट्री गर्ने भएका छन् ।

अमेरिकाका एन्ड्रयु लेनर्ड, एचडी अकरम्यान, ड्यारेन गौफ, श्रीधरण श्रीराम, मोनाली पटेल र मिखाइल वासवानीले एनपीएलमा कमेन्टेटरमा रहने छन् ।

एन्ड्रयु नेपाली क्रिकेटमा चिनिएका कमेन्टेटर हुन् । नेपालका हरेक खेल प्रायः उनले नै कमेन्ट्री गर्दै आएका छन् ।

एचडी दक्षिण अफ्रिकाका पूर्वक्रिकेट खेलाडी हुन् भने ड्यारेन इङ्ल्यान्डका पूर्वक्रिकेटर हुन् । उनले इङ्ल्यान्डबाट टेस्ट, ओडीआई र टी–२०आई खेल खेलेका छन् ।

यस्तै, श्रीधरण भारतीय क्रिकेट टोलीका पूर्वसदस्य हुन् । उनले सन् २००० देखि २००४ सम्म भारतका लागि खेलेका थिए । मिखाइल पनि भारतका पत्रकार तथा कमेन्टेटर हुन् ।

मोनाली क्यानडाकी पूर्वक्रिकेटर हुन् । उनले सन् २०१९ मा क्यानडाबाट दुई टी–२०आई खेल खेलेकी छन् ।

एनपीएल मंसिर १५ गतेदेखि पुस ६ गतेसम्म हुँदैछ । उद्घाटन खेलमा विराटनगर किंग्स र जनकपुर बोल्ट्सबीच प्रतिस्पर्धा हुनेछ ।