काठमाण्डु– काठमाडौंमा जारि पहिलो सिजनको नेपाल प्रिमियर लिग (एनपीएल)मा शीर्ष ४ टोलीको टुंगो लागेको छ ।

४ टोलीमा सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स रहेका छन् । हारेको कर्णाली याक्स प्लेअफमा गएको छ।

आज भएको २८औं खेलमा कर्णाली सुदूरपश्चिमसँग हारेसँगै काठमान्डु गुर्खाज लिग चरणबाटै बाहिरिएको छ।कर्णालीको हार सँगै रनरेटमा पछि परेपछि काठमान्डु स्वतः बाहिरिएको हो ।

विराटनगर, पोखर, लुम्बिनी भने यसअघिनै बाहिरिसकेका छन् ।

अव पहिलो क्वालिफायरमा सुदूरपश्चिम रोयल्स र जनकपुर बोल्ट्स भिड्ने छन्। एलिमिनेटरमा चितवन र कर्णाली भिड्ने छन् ।

एलिमिनेटरमा जित्ने टोलीले दोस्रो क्वालिफायरमा जनकपुर र सुदूरपश्चिमबिचको पराजित टोलीसँग फाइनल प्रवेशका लागि भिड्ने छ।

यो सँगै लिग चरणका खेल सकिएका छन् । अब एलिमिनेट र क्वालिफायर खेल हुनेछन् ।