काठमाण्डु-नेपाल प्रिमियर लिग (एनपिएल)को ट्रफी आज सार्वजनिक हुँदैछ । नेपाल क्रिकेट संघ (क्यान)का अनुसार आज बिहान साढे ८ बजे प्रधानमन्त्री ओलीले ट्रफी सार्वजनिक गर्न लागेका हुन् ।

सिद्धार्थ बैंक एनपिएल ट्रफीको अनावरण धरहराबाट प्रधानमन्त्री ओलीले गर्ने क्यानले जनाएको छ । ट्रफी सार्वजनिक समारोहमा प्रधानमन्त्रीसहित विशिष्ट व्यक्तित्वको सहभागिता रहनेछ ।

पहिलो संस्करणको नेपाल प्रिमियर लिग मंसिर १५ देखि पुस ६ गतेसम्म काठमाडौंमा हुँदैछ । एनपीएलमा ८ फ्रेन्चाइच टोलीले सहभागिता जनाएका छन् ।