काठमाडौं – जम्मू-कश्मिरमा भारतीय सेनाको लडाकु विमान पाकिस्तानी सेनाले दुर्घटना गराएको पाकिस्तानी सेनाका प्रवक्ता मेजर जनरल आसिफ गफूरले ट्वीट गरेका छन् । उक्त विमान दुर्घटनामा दुई चालकको मृत्यु भएको बीबीसी हिन्दीले जनाएको छ ।

पाकिस्तानी वायु सेनाले पाकिस्तान एयर स्पेसमा गएको बेला भारतीय युद्धक विमान दुर्घटना गराएको हो । पाकिस्तानी सेनाका अनुसार भारतीय वायु सेनाका एक जना पाइलट पनि गिरफ्तार गरेको बताएको छ ।

पीटीआईका अनुसार बुधबार जम्मू-कश्मिरको मुताविक जिल्लामा पाकिस्तानको विमानले भारतीय सिमा रेखा प्रवेश गरेको थियो । समाचार एजेन्सीका अनुसार पाकिस्तानी विमान जम्मू कश्मिरको राजौरी जिल्लाको नौशेरा सेक्टरमा गएको थियो । भारतको लडाकु विमान पाकिस्तानी विमानले जम्मू कश्मिरिस्थित मुताविक जिल्लामा दुर्घटना पारेको थियो ।