काठमाण्डु– जबरजस्ती करणीको आरोपमा मोरङबाट एक भारतीयसहित ३ जना पक्राउ परेका छन् ।

पक्राउ पर्नेमा मोरङ कटहरी गाउँपालिका वडा– २ बस्ने २० बर्षीय महमद रमजान, सोहि ठाँउका १९ बर्षीय सुनिल कुमार साह र भारत, विहार राज्य अररियाको कुसकिट्टा ग्राम पंचायत वडा– ९ घर भई हाल कटहरीको ग्यारेजमा काम गर्ने १८ वर्षीय महमद गुल्जर रहेका छन् । 

उनीहरुले गत पुस ९ गते राति मोरङ जहदा गाँउपालिका–३ बस्ने बर्ष २२ कि युवतीलाई खेतमा लगेर बलात्कार गरेका थिए । 

उनीहरुले बिहान अन्दाजी ०४ः३० बजे शौच गर्न गएको समयमा पछाडिबाट मुख छोपी  सिटी सफारीमा राखेर घरबाट अन्दाजी ३ किलोमिटर उत्तर–पूर्व बाँसघारीमा लगेर जबरजस्ती करणी गरेको पीडितले बताएकी छन् । 

करणी  पछि कालो सारीको कपडाले हात र खुट्टा बाँधि मुखमा समेत कपडा कोची सोही अवस्थामा छाडी फरार भएका थिए । 

अर्ध चेत अवस्थामा स्थानियले फेला पारेर प्रहरीलाई  खबर गरेका थिए । जिल्ला प्रहरी कार्यालय मोरङबाट खटिएको प्रहरी टोलीले उनलाई तत्काल उद्धार गरी  उपचारको लागि कोशी अस्पतालमा पठाएको  जिल्ला प्रहरी कार्यालय मोरङका प्रहरी नायब उपरीक्षक  वेद प्रकाश जोशीले जानकारी दिए । 

जिल्ला अदालत विराटनगरबाट म्याद थप गरी थप अनुसन्धान भइरहेको प्रहरीले जनाएको छ  ।