पाल्पा– पाल्पाको निस्धि गाउँपालिका ७ मा जिप दुर्घटना सवार सबैको घटनास्थलमै मृत्यु भएको छ । पाल्पाको निस्धी गाउँपालिका-७ विदुरीभिरस्थित कच्ची सडकमा लु १ ज १९४१ नम्बरको जिप दुर्घटना हुदाँ चालकसहित ५ जनाकै मृत्यु भएको पाँच नम्बर प्रदेश ट्राफिक प्रहरी कार्यालय बुटवलले जनाएको छ। पाल्पाको भिरपानीबाट हुवासतर्फ जादै गरेको सडकबाट करिब ३ सय ५० मिटर तल खसेको थियो।

दुर्घटनामा परी मृत्यु हुनेहरुमा जिप चालक बुद्धिबल सोती, निस्धी गाउँपालिका-७ का ४६ वर्षीय खड्क बहादुर सोमाई, सोही स्थानका ५५ वर्षीय देवी खड्का, ४५ वर्षीय लालबहादुर सारु र ५७ वर्षीय सन्तबहादुर सारुको मृत्यु भएको पाँच नम्बर प्रदेश ट्राफिक प्रहरी कार्यालय बुटवलले जानकारी दिएको छ ।