काठमाण्डु-भूषण खतिवडा र शान्ति श्री परियारको आवाजमा नयाँ गीत ‘माया बराबर’ सार्वजनिक भएको छ । फिन्जु पाख्रिनका प्रेमिल शब्दमा गायक भूषण खतिवडाकै सङ्गीत सुन्न सकिन्छ ।

‘नेपमेलो’ नामको युट्युब च्यानलमा सार्वजनिक गरिएको गीतको भिडियोलाई पनि प्रेमिल प्रस्तुतिका साथ तयार गरिएको छ । सार्वजनिक भिडियोमा रियल जोडी लक्ष्मी बर्देवा र जीवन भट्टराईको सफल प्रेम यात्रालाई मनोरञ्जनात्मक शैलीमा प्रस्तुत गरिएको छ ।

उत्सव दाहालको छायाङ्कनमा तयार भिडियोमा लक्ष्मी र जीवनसँगै सागर दाहाल, विशाल पहारीको अभिनय छ । सार्वजनिक गीतमा हेमन्त कान्छा रसाइलीको सारङ्गी, रत्न विकेको बाँसुरी, सञ्जीव बराइलीको गितार तथा श्यामस्वेत रसाइलीको मिक्सिङ मास्टरिङ छ । यस ‘माया बराबर’ गीतको भिडियोलाई कलाकारद्वय लक्ष्मी र जीवनले नै निर्देशन गरेका हुन् ।