काठमाण्डु– काठमाडौंको कोटेश्वरबाट पेस्तोलसहित एक युवक पक्राउ परेका छन् ।

प्रहरीले आइतबार कोटेश्वरको ब्लिसफुल होटलको कोठाबाट नरेफाट बस्ने ३३ वर्षीय सनराइज खड्कालाई पेस्तोलसहित पक्राउ गरेको हो ।

उनलाई होटलको कोठानम्बर ४०१ बाट पेस्तोल त्यसमा लाग्ने ९ राउन्ड गोली सहित पक्राउ गरिएको काठमाडौं उपत्यका प्रहरी कार्यालय रानीपोखरीले जनायो ।

पक्राउ परेका खड्कामाथि प्रहरीले थप अनुसन्धान गरिरहेको छ।