काठमाण्डु– नेपाल आयल निगमले पेट्रोलको मूल्य बढाएको छ ।निगमले पेट्रोलको मूल्य प्रतिलिटर २ रुपैयाँले बढाएको हो ।

यस्तै डिजेल र मट्टितेल प्रतिलिटर २ रुपैयाँले घटाएको छ भने खाना पकाउने एलपी ग्यास र हवाई इन्धनमा भने मूल्य यथावत् रहेको छ ।

काठमाडौँ, पोखरा र दीपायल डिपो अन्तर्गतका पेट्रोल पम्पमा पेट्रोल प्रतिलिटर १६२ रुपैयाँ पर्नेछ भने डिजेल र मट्टितेलको मूल्य १५१ रुपैयाँ कायम गरिएको छ ।

त्यस्तै, सुर्खेत र दाङ डिपो अन्तर्गतको क्षेत्रमा पेट्रोल १६१ रुपैयाँ र डिजेल तथा मट्टितेल १५० रुपैयाँ कायम भएको छ । बाँकी क्षेत्रमा पेट्रोल १५९.५० रुपैयाँ र डिजेल मट्टितेल १४८.५० रुपैयाँ पर्ने नेपाल आयल निगमले जनाएको छ ।

समायोजन भएको मूल्य आज राति १२ बजेदेखि लागु हुने निगमले जनाएको छ ।