काठमाडौं– सरकारले फेरि पेट्रोलियम पदार्थको मूल्यवृद्धि गरेको छ।

नेपाल आयल निगमले बिहीबार मध्यरातदेखि लागू हुने गरी पेट्रोलमा प्रतिलिटर १ रुपैयाँ मूल्यवृद्धि गरेको हो। मूल्यवृद्धिसँगै पेट्रोलप्रति लिटर १ सय ४ रुपैयाँ पुगेको छ।

डिजेल र मट्टितेलमा पनि प्रति लिटर दुई रुपैयाँ भाउ बढेको निगम प्रवक्ता वीरेन्द्र गोइतले जानकारी दिए।

मट्टितेल र डिजेल प्रतिलिटर ८३ रुपैयाँमा बिक्री हुनेछ।

हवाई इन्धनतर्फ पनि प्रति लिटर ५ रुपैयाँ भाउ बढाइएको छ।