काठमाडौं – प्रधानमन्त्री केपी शर्मा ओलीले केही मानिसहरुले आफूलाई मरिहालोस भन्ने गरेको बताउँदै आफुलाई मरिहालोस् भन्नेहरुलाई कडा जवाफ दिएका छन् । उनले आफु अझै १५ वर्ष बाँच्ने बताउँदै अहिलेदेखि नै अर्को चुनावमा अस्तित्व रक्षाका लागि तयार भएर बस्न आग्रह गरेका छन् ।

संविधान दिवसको पूर्वसन्ध्यामा बुधबार गृहमन्त्रालयले आयोजना गरेको कार्यक्रममा प्रधानमन्त्री ओलीले भने, ‘केहीले मरिहालोस् भनेका छन् तर अझै म १५ वर्ष बाँच्छु । म उपचारका लागि जान लागेको हो । तर अहिले म बिरामी होइन, १५ वर्षअघि बिरामी भएको हुँ ।’

उनले आफू भोलि सिंगापुर जान लागेको बताउँदै भने, ‘म भोलि सिंगापुर जाँदैछु । केही मान्छेले यो मरिहालोस् भनेका छन् । तर म अहिले मर्दिनँ । अर्को चुनावमा आफ्नो अस्तित्व रक्षाका लागि तयार भएर बसे हुन्छ ।’