काठमाण्डु – नेपाली सेनाका उपरथी प्रदीपजंग केसी रथीमा बढुवा भएका छन् । बिहिबार साँझ बसेको मन्त्रिपरिषद् बैठकले उपरथी केसीलाई रथीमा बढुवा गर्ने निर्णय गरेको हो ।

सेनामा वरिष्ठतम उपरथी केसीलाई सैनिक मुख्यालय जंगी अड्डाले प्रक्रिया पु¥याएर रथीमा बढुवा गर्न रक्षा मन्त्रालय हुँदै प्रधानमन्त्री तथा मन्त्रिपरिषद् कार्यालयमा पु¥याएको थियो ।

सैनिक मुख्यालय जंगी अड्डाले १३ कात्तिकमा केसीलाई रथीमा बढुवा गर्ने बारेको ७ दिने सूचना निकालेको थियो ।

उनीभन्दा वरिष्ठतम उपरथी बाबुराम श्रेष्ठको म्याद थप नभएर घर गएपछि बरिष्ठतम भएका केसीलाई सूचनाको म्याद सकिएपछि रथीमा बढुवा गर्न सेनाले सिफारिस गरेको थियो ।

सेनामा दुई रथीको दरबन्दी छ । रथी अशोक सिग्देल प्रधानसेनापतिमा बढुवा भएपछि रिक्त भएको एउटा रथी पदमा केसी बढुवा भएका हुन् । अर्का रथी निर्मल थापा युएन मिसनमा कार्यरत छन् ।