काठमाण्डु– स्वास्थ्य तथा जनसङ्ख्यामन्त्री प्रदीप पौडेलले सरकारी अस्पतालमा स्वास्थ्य बिमाको औषधि छैन भन्न नपाइने बताएका छन्।

इलाम अस्पतालको अनुगमन गर्दै पौडेलले स्वास्थ्य बिमा बोर्डले तोकिएका औषधि अस्पतालमा अनिवार्य हुनुपर्ने बताएका हुन् ।

उनले भने उनले भने, “अब पनि औषधि छैन भन्नु गैरकानुनी हो ।” उनले तोकिएका औषधि अनिवार्य राख्नुपर्ने बताए। सरकार तथा स्वास्थ्य बिमा बोर्डले ९८ प्रकारका औषधि तोकेको छ । तोकिएका औषधि अनिवार्य राख्न उनले निर्देशन दिए ।

उनले चिकित्सकले लेखेका औषधि छैन भनेर पन्छिने छुट अब सरकारी अस्पताललाई नभएको बताए ।

त्यसका लागि स्वास्थ्य मन्त्रालयले आवश्यक काम अगाडि बढाएको र बिमाका केही व्यवस्थापनमा समस्या भए पनि यसलाई सुधार गर्न लागेको उनले बताए ।