काठमाण्डु – कतारले गाजा युद्धविराम र बन्धक सम्झौताका लागि प्रमुख मध्यस्थकर्ताको हैसियतबाट पछि हटेको छ ।

खाडी मुलुक कतारले हमासलाई उसको दोहा कार्यालयबाट गाजा युद्धविराम र बन्धक सम्झौताका लागि काम गर्न नसक्ने पनि बताएको छ ।

‘हमासले अब कतारबाट आफ्नो उद्देश्य पूरा गर्दैन,’ एक कूटनीतिक स्रोतले शनिबार भन्यो ।

नाम नबताउने शर्तमा स्रोतले भन्यो, ‘कतारीहरूले इजरायली र हमास दुवैलाई जबसम्म सद्भावपूर्वक सम्झौता गर्न इन्कार गरिन्छ, तबसम्म उनीहरूले मध्यस्थता जारी राख्न सक्दैनन् भन्ने सूचित गरिसकिएको छ । फलस्वरूप हमासको राजनीतिक कार्यालयले अब आफ्नो उद्देश्य पूरा गर्दैन ।’

संयुक्त राज्य अमेरिका र इजिप्टसँग कतारले बन्धक र कैदीहरूको रिहाइका लागि युद्धविरामको लागि महिनौंदेखि निरर्थक देखिएको वार्ता वार्ताको नेतृत्व गरिरहेको छ ।

स्रोतका अनुसार कतारले आफ्नो निर्णयबारे इजरायल र हमासका साथै अमेरिकी प्रशासनलाई समेत जानकारी गराइसकेको छ ।

‘कतारीहरूले अमेरिकी प्रशासनलाई दुवै पक्षले वार्ताको टेबुलमा फर्किन इमान्दार इच्छा प्रदर्शन गरेमा मध्यस्थतामा पुनः संलग्न हुन तयार रहेको पनि जानकारी गराएका छन्,’ स्रोतलाई उदृत गर्दै अन्तर्राष्ट्रिय सञ्चारमाध्यमले भनेका छन् ।