काठमाण्डु– सन् २०२५ का लागि नेपाल जेसीजको राष्ट्रिय अध्यक्षमा रजनी थापा निर्वाचित भएकी छन्।

५१ औं महाधिवेशनबाट थापा अध्यक्षमा विजयी भएकी हुन्।गए राति सम्पन्न मतगणनाबाट थापा अध्यक्षमा निर्वाचित भएकी हुन् ।

अध्यक्षमा थापाले ७६२ मत ल्याएर विजयी हुँदा निकटतम प्रतिद्वन्द्वी जीवन कार्कीले ४५३ मत ल्याए।

महाधिवेशन इटहरीमा पुस ६ गतेदेखि पुस ८ गतेसम्म चलेको थियो ।

राष्ट्रिय अध्यक्षमा निर्वाचित भएकी थापा सन् २०१९ मा मनोहरा जेसीजको अध्यक्ष थिइन्। सन् २०२१ मा राष्ट्रिय उपाध्यक्ष र सन् २०२३ मा राष्ट्रिय कार्यकारिणी उपाध्यक्ष बनेकी थिइन्।