एजेन्सी – फिल्म उद्योगकी विवादास्पद क्विनको नामले चर्चित राखी सावन्त आफ्ना विभिन्न क्रियाकलापका कारण सधैं चर्चामा आउने गरेकि छन् ।

उनी सोसल मिडियामा निकै सक्रिय छिन् र उनी इन्स्टाग्राममा आफ्नो भिडियो र फोटोमार्फत् प्रशंसकसामू आफ्नो मनको कुरा सेयर गर्ने गर्छिन् ।

पछिल्लो केही सातादेखि चीनमा कोरोना भाइरस चिन्ताको विषय बन्दै आएको छ । तर उनलाई कोरोनाको कुनै डर छैन । हाल राखी चीनमा छिन् र उनले त्यहाँबाट कोरोना भाइरसलाई नष्ट गर्ने दाबी गरेकी छिन् ।

राखीले विमानभित्रको एउटा भिडियो सेयर गरेकी छिन् । जसमा उनी कोरोना भाइरसबारे कुरा गरिरहेकी छिन् । सो भिडियोमा उनले आफूलाई भाइरससँग डर नलागेको र यसलाई नष्ट गर्नका लागि नै आफू चीन जान लागेको बताइन् ।

राखी यत्तिमा मात्रै सिमित भइनन् । उनले अमेरिकी विज्ञान–प्रविधि संस्था नासाबाट उक्त भाइरस नष्ट गर्ने औषधीसमेत मगाएको बताइन् । राखीको यो भिडियो हेरेर मानिसहरु हाल ठूलै मजा लिइरहेका छन् ।

भिडियोको चित्र वर्णनमा उनले लेखेकी छन्, ‘कोरोना भाइरस मार्न चीन जाँदै छु ।’