काठमाडौं- रक्षा मन्त्रालयका नवनियुक्त सचिव विष्णुप्रसाद लम्सालले जंगी अड्डाको निरीक्षण भ्रमण गरेका छन् । उनलाई नेपाली सेनाका बलाध्यक्ष रथी हेमन्त राज कुँवरले जंगी अड्डामा स्वागत गरेका थिए ।

रक्षा सचिव लम्साललाई वर्तमान बस्तुस्थिति, नेपाली सेनाको संगठनात्मक संरचना, जिम्मेवारी, अपरेशनल गतिविधि, कल्याणकारी कार्य लगायत नेपाली सेना सम्बन्धी अन्य विविध विषयमा सम्बन्धीत विभागका रथीबृन्द तथा अधिकृतहरुबाट प्रस्तुतिकरण भएको जनसम्पर्क तथा सूचना निर्देशनालयले जारी गरेको बिज्ञप्तिमा जनाइएको छ ।