प्रेमिका बलात्कार गर्न लगाउने सशस्त्र प्रहरी पक्राउ

प्रेमिका बलात्कार गर्न लगाउने सशस्त्र प्रहरी पक्राउ

फन्ट परिवर्तन गर्नुहोस:

  • change font
  • change font
  • change font

काठमाडौं– आफ्नै प्रेमिकालाई बलात्कार गर्न लगाउने सशस्त्र प्रहरीका जवान पक्राउ परेका छन्। जवान रामशरण पाखरेल शुक्रबार पक्राउ परेका हुन्। उनले आफ्ना साथी चन्द्र पछाईलाई आफ्नी प्रेमिकाको इच्छाविपरीत सम्बन्ध राख्न लगाएका हुन्। पछाई पनि प्रहरी जवान हुन्। उनी पनि पक्राउ परेका छन्।

गत बिहीबार कलंकीको आशिवार्द गेस्ट हाउसमा बलात्कार भएको हो। सुरुमा युवती सापकोटासँग सम्बन्ध राखेर सुतेकी थिइन्। निदाएको बेला प्रछाईले समेत सम्बन्ध राखेको युवतीको उजुरी छ। दुवै जनालाई जबरजस्तीकरणी मुद्दामा कारबाही अघि बढाइएको महानगरीय प्रहरी वृत्त,कालिमाटी वृत्तका डिएसपी प्रदीपकुमार क्षेत्रीले बताए।

प्रहरीका अनुसार बिहीबार बेलुका तीन जना सँगै गेष्ट हाउसमा गएर मदिरा पिएका थिए। पोखरेल र युवती एउटा कोठामा तथा पछाई अर्को कोठामा सुते। थिए। बिहान बिउँझदा उनी नग्न अवस्थामा थिइन्। आफ्नो बेडमा प्रेमी नभई पछाई थिए।

प्रेमी रहेका सापकोटाले पछाईलाई गाली गर्नुभन्दा युवतीलाई सम्झाउन थालेपछि झगडा सुरु भएको हो। बिहान प्रहरीलाई खबर गरेर युवतीले दुवै जनालाई पक्राउ गराएकी हुन्। कोठामा कन्डम लगायत प्रमाण बरामद गरिएका प्रहरीले जनाएको छ।

पोखरेल र युवती २ वर्षअघि प्रेममा थिए। तर, बीचमा उनीहरुबीच झगडा भएको थियो। सापकोटाले नै युवतीलाई फकाएर गेस्ट हाउसमा लिएर गएका थिए।