काठमाण्डु – अभिनेत्री रेखा थापाले नाटकमा देखिने भएकी छन् ।

कान्तिपुर फिल्म एकेडेमीले मञ्चन गर्न लागेको नाटक ‘मीरा’बाट उनले नाटकमा डेब्यु गर्न लागेकी हुन् ।

जेठ १५ गतेदेखि असार ७ गतेसम्म मञ्चन हुने नाटक दीपक सिंजालीद्वारा लिखित उपन्यास ‘मीरा’मा आधारित रहेको छ ।

नाटकमा एक महिलाको परिवार र समाजसँगको विद्रोहको कथा समावेश रहेको छ । नाट्य रूपान्तरण तथा निर्देशन सुन्दर धितालले गर्दैछन् ।

नाटकको मुख्य भूमिकामा अभिनेत्री रेखा थापा रहने कान्तिपुर थिएटरले जनाएको छ । नाटकको रियल्सन र रिडिङ सुरु भइसकेको छ ।