काठमाडौं– इन्डियन प्रिमियर लिग (आइपिएल) अन्तर्गत आफ्नो अन्तिम खेलमा नेपाली क्रिकेटर सन्दीप लामिछानेले कमाल गरेका छन्।

दिल्ली डेयरडेभिल्सबाट खेलिरहेका उनले मुम्बई इण्डियन्सविरुद्धको खेलमा व्यक्तिगत चार ओभरमा ३ विकेट लिए।सो अवधिमा ३६ रन खर्चेका छन् ।

पहिलो ओभरमा सूर्यकुमार यादवको विकेट लिएका उनले दाेस्राे ओभरमा किरोन पोलार्ड र क्रुनाल पाण्ड्याको विकेट लिए।

दाेस्राे ओभरको पहिलो बलमा पोलर्डलाई आउट गराएका उनले चौथो बलमा क्रुनाललाई पनि पबिलियन फर्काइदिएका हुन्।

उनले ४ ओभरमा ३६ रन दिए ।

उनकाे याेगदानमा दिल्लीले जितेकाे छ। मुम्बई इण्डियन्स आईपीएल क्रिकेटको लिग चरणबाट बाहिरिएको छ ।

प्लेअफमा पुग्न जित्नैपर्ने खेलमा दिल्ली डेयरडेभिल्ससँग हारेपछि मुम्बई बाहिरिएको हो । यो नतिजापछि राजस्थान रोयल्सको प्लेअफमा पुग्ने सम्भावना बलियो भएको छ । यद्यपि, अहिले चेन्नइसंग खेलिरहेको पञ्जावले ठुलो अन्तरको जीत हात पारे पञ्जाव पनि प्लेअफमा पुग्न सक्नेछ ।