काठमाण्डु – फिलिपिन्सका राष्ट्रपति फर्डिनान्ड मार्कोसले उपराष्ट्रपति सारा दुतेर्तेलाई राष्ट्रिय सुरक्षा परिषद्बाट हटाएका छन् ।

कार्यकारी सचिव लुकास बर्सामिनद्वारा हस्ताक्षरित आदेशमा राष्ट्रपतिलाई राष्ट्रिय सुरक्षालाई असर गर्ने नीतिहरूबारे सल्लाह दिने सुरक्षा परिषद्बाट उपराष्ट्रपति र सबै पूर्वराष्ट्रपतिहरूलाई हटाइएको छ ।

बर्सामिनले आफ्नो सदस्यतालाई पुनर्गठित र व्यवस्थित गर्न कदम चालेको बताए । परिषद्मा अहिले प्रमुख विधायी, रक्षा, विदेश र क्याबिनेट अधिकारीहरू सामेल छन् ।

‘अहिले परिषद्को सदस्यताको जिम्मेवारीका लागि उच्च पदस्थ अधिकारीलार्ई सान्दर्भिक मानिँदैन,’ बर्सामिनले पत्रकारसँग भने, ‘आवश्यकताअनुसार अन्य सदस्य वा सल्लाहकार थप्न राष्ट्रपति स्वतन्त्र हुनुहुन्छ ।’

मार्कोस र उनको परिवारलाई मार्ने धम्की दिएको आरोपमा डुतेर्तेले अनुसन्धानको सामना गरिरहेकै बेला कदम चालिएको छ ।

गत नोभेम्बरको अन्त्यतिर पूर्वराष्ट्रपति रोड्रिगो दुतेर्तेकी ४६ वर्षीया छोरी साराले एक अनलाइन पत्रकार सम्मेलनमा आफ्नो हत्या भएको खण्डमा कसैले मार्कोसलाई पनि मार्ने बताएका थिए । यद्यपि पछि उनले टिप्पणीको गलत व्याख्या गरिएको बताएका थिए ।

सन् २०२२ मा मार्कोससँगको गठबन्धनमा उपराष्ट्रपति सत्तामा पुगेका थिए । हालैका महिनाहरूमा आश्चर्यजनक रूपमा दुवै पक्षले यस वर्षको मध्यावधि चुनावअघि लागूपदार्थको व्यापक ओसारपसारका लागि आरोप–प्रत्यारोप चलिरहेको छ ।

दुतेर्तेमाथि सरकारी कोषको करोडौं डलरको दुरुपयोग गरेको भन्दै महाभियोगका थुप्रै उजुरी परेका छन् ।