काठमाडौं । साउदी अरबमा बस र ट्रक ठोक्किँदा ३५ जनाको मृत्यु भएको छ ।

साउदीको मदिना प्रान्तमा प्रवासीहरु चढेको बस अलअखल क्षेत्रमा बुधबार साँझ करिब सात बजेतिर ट्रकसँग ठोक्किँदा बसमा सवार ३९ जना रहेको मध्ये ३५ जनाको मृत्यु भएको प्रहरीले जनाएको छ ।

ट्रकसँग ठोक्किएपछि बसमा आगो लागेको थियो । मृत्यु हुनेहरुमा धेरैजसो एसियाली र अरब मूलका नागरिक रहेको प्रहरीले जनाएको छ । घाइतेहरुलाई अस्पतालमा उपचार भएरहेको छ ।