काठमाडौं–भारतको सर्वोच्च अदालतले नाबालिग श्रीमतीसँगको शारीरिक सम्बन्धलाई अपराध ठहर गर्दै सम्बन्ध राखे बलात्कार ठहरिने आदेश जारी गरेको छ।

सर्वाेच्चले १८ वर्षमुनिको श्रीमतीसँगको शारीरिक सम्बन्धलाई अपराध ठहर गर्दै नाबालिग श्रीमतीले १ वर्षभित्र मुद्दा दर्ता गर्न अधिकार दिएको छ। यद्यपि बलात्कारसम्बन्धी आईपीसीको धारा ३७५ मा एउटा अपवाद पनि छ जुनअनुसार म्यारिट रेपलाई अपराध मानिँदैन।

यसको मतलब यदि पत्नीको स्वीकृतिविना पतिले शारीरिक सम्बन्ध बनाउँछ भने त्यो अपराध हुँदैन भन्ने कुरा उक्त बुँदामा उल्लेख छ।

भारतमा विवाहको लागि महिलाको १८ र पुरुषको २१ वर्ष उमेर पुगेको हुनुपर्ने व्यवस्था छ। योभन्दा कम उमेरमा विवाह भए त्यसलाई अवैधानिक मानिन्छ।

केन्द्र सरकारले भने दिल्ली हाइकोर्टमा वैवाहिक बलात्कारलाई अपराधको श्रेणीमा राख्न नहुने र यसले विवाह संस्था अस्थिर हुने तर्क राकेको थियो।