काठमाडौ-  प्रधानसेनापति पूर्णचन्द्र थापाले आफ्नो सम्पति विवरण सार्वजनिक गरेपछि उपरथी प्रभुराम शर्माले पनि आफ्नो सम्पत्ति विवरण सार्वजनिक गरेका छन्। हाल सम्भाररथी विभागको प्रमुख रहेका उपरथी शर्मा प्रधानसेनापति थापाका उत्तराधिकारी हुन् । यसअघि सेनाको अपरेशन विभाग प्रमुख समेत रहिसकेका शर्माले बुझाएको सम्पत्ति विवरणअनुसार काठमाडौंको नागार्जुनमा ६ आनामा साढे दुईतले घर रहेको छ भने करिब २० रोपनी जग्गा छ।

काठमाडौंका रैथाने शर्माले साढे १३ तोला सुन, विभिन्न बैकमा १९ लाख रुपैयां र ४७ हजार अमेरिकी डलर रहेको सम्पती विवरणमा उल्लेख गरेका छन् ।

प्रधानसेनापति पूर्णचन्द्र थापाले आर्थिक पारदर्शिताका लागि भन्दै आफ्नो सम्पत्ति विवरण सार्वजनिक गरेपछि सेनामा अन्य उच्च अधिकारीले पनि सम्पति विवरण सार्वजनिक गरेका हुन् ।