काठमाण्डु– गैरआवासीय नेपाली संघ (एनआरएनए) उच्चस्तरीय समितिका संयोजक डा शेष घलेविरुद्ध अदालतको अवहेलनासम्बन्धी मुद्दा परेको छ ।

संघका अध्यक्ष बद्री केसीपक्षधरका एनआरएनए उपाध्यक्ष रोजिना राईसहित ३ जना सर्वोच्च पुगेका हुन्।

यसअघि संघका अध्यक्ष केसीसहित सबै पदाधिकारीविरुद्ध मुद्दा दायर भएको थियो ।

घलेविरुद्धको मुद्दामा मंगलबार पहिलो सुनुवाइ न्यायाधीश कुमार रेग्मीको इजलासमा सुरु भएको छ।

घलेले सर्वोच्च अदालतको गत साउनमा जारी आदेशको अवज्ञा गरी कार्यान्वयनमा पनि अवरोध सिर्जना गरेको निवेदनमा उल्लेख गरिएको छ।