काठमाडौं – उपसभामुख डा. शिवमाया तुम्बाहाङ्फे र प्रमुख प्रतिपक्षी नेपाली कांग्रेसका प्रमुख सचेतक बालकृष्ण खाँणबीच भेटवार्ता भएको छ ।

सिंहदरबारस्थित उपसभामुखको कार्यकक्षमा तुम्बाहाङफे र खाँडबीच सोमबार मध्यान्ह करिब १५ मिनेट छलफल भएको उपसभामुखको सचिवालयले जानकारी दिएको छ ।

उपसभामुखको कक्षमा भएको छलफलमा प्रमुख सचेतक खाँणसँगै कांग्रेसकी सचेतक पुष्पा भुसाल पनि सहभागी थिइन् ।

नेकपाले सभामुख बनाउन अग्‍निप्रसाद सापकोटाको नाम सिफारिस गरेसँगै उपसभामुख तुम्बाहाङफेले आज संसदमा राजीनामा तयारी रहेको बताइएको छ ।