विराटनगर – बलात्कार आरोपी सिद्धबाबा भनिने कृष्णबहादुर गिरी सुनसरीको झुम्का कारागार चलान भएका छन् । एक अनुयायी महिलामाथि जबरजस्तीकरणी गरेको आरोप लागेका सिद्धबाबाले जिल्ला अदालत, सुनसरीमा मंगलबार आत्मसमर्पण गरेका थिए ।

कात्तिक ४ गते बलात्कार गरेको किटानी जाहेरी एक महिला अनुयायीले दिएपछि गिरीलाई मंसिर १६ गते पक्राउ गरेर सुनसरी प्रहरीले जबरजस्ती करणी मुद्दामा अनुसन्धान थालेको थियो ।

यसअघि १६ मंसिरमा जिल्ला अदालत, सुनसरीले उनलाई तीन लाख रुपैयाँ धरौटीमा छाड्न आदेश दिएको दिएको थियो । तर, जिल्लाको आदेशविरुद्ध सरकारी वकिल कार्यालय उच्च अदालत, बिराटनगर पुगेको थियो ।

अदालतमा मुद्दाको बहस हुँदै गर्दा आफ्नो विपक्षमा फैसला आउने देखिएपछि उनी भारततिर भागेका थिए ।