सिन्धुपाल्चोक – जिल्लाको इन्द्रावती गाउँ पालिका १० मा बस दुर्घटना हुँदा ८ जनाको मृत्यु भएको छ । इन्द्रावती गाउँपालिका–१० भोटसिपास्थित बडहरे चोकमा बा२ख २७१५ नंको बस शुक्रबार बिहान भएको दुर्घटनामा ८ जनाको घटनास्थलमा नै मृत्यु भएको प्रहरीले जनाएको छ ।

बस सडकबाट करिब ७० मिटर तल खसेको छ । दुर्घटनामा ५० भन्दा बढी घाइते रहेका प्रहरीले जनाएकाे छ। क्षतिको थप विवरण आउन बाँकी रहेको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक माधवप्रसाद काफ्लेले जानकारी दिए । ‘दुर्घटनाको प्रकृतिले थप क्षति भएको हुन सक्ने देखिन्छ’, उनले भने, यो प्रारम्भिक जानकारी हो, थप विवरण आउन बाँकी नै छ।’

उनले मृतक कसैको पनि सनाखत हुन नसकेको बताए। ‘अहिले उद्धार कार्य जारी छ, घाइतेहरुलाई उद्धार गरी विभिन्न अस्पतालमा उपचारमा पठाइरहेछौँ’, डीएसपी काफ्लेले भने।  मृतकहरुको सनाखत हुनसकेको छैन । यसबारेमा थप विवरण आउन बाकी छ ।