सिन्धुपाल्चोक – जिल्लाको इन्द्रावती गाउँ पालिका १० मा बस दुर्घटनामा मृत्यु हुनेकाे संख्या ११ जना पुगेको छ ।

 इन्द्रावती गाउँपालिका–१० भोटसिपास्थित बडहरे चोकमा बा२ख २७१५ नंको बस शुक्रबार बिहान बडहरे झिल्के मोडमा ९ः५५ बजे दूर्घटनामा परेको थियो । जिल्ला प्रहरी कार्यालय, सिन्धुपाल्चोकका अनुसार ५ जनाको घटनास्थलमै मृत्यु भएको थियो भने एक जनालाई उपचारका लागि धुलिखेल अस्पताल ल्याउने क्रममा बाटोमै मृत्यु भएको जनाइएको छ ।

उपचारका क्रममा थप ५ जनाको मृत्यु भएको प्रहरीले जनाएको छ । मृत्यु हुने र घाइतेको पहिचान खुलिसकेको छैन । बस सडकबाट करिब ७० मिटर तल खसेको छ । दुर्घटनामा ५० भन्दा बढी घाइते रहेका प्रहरीले जनाएकाे छ।

क्षतिको थप विवरण आउन बाँकी रहेको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक माधवप्रसाद काफ्लेले जानकारी दिए । ‘दुर्घटनाको प्रकृतिले थप क्षति भएको हुन सक्ने देखिन्छ’, उनले भने, यो प्रारम्भिक जानकारी हो, थप विवरण आउन बाँकी नै छ।’

‘अहिले उद्धार कार्य जारी छ, घाइतेहरुलाई उद्धार गरी विभिन्न अस्पतालमा उपचारमा पठाइरहेछौँ’, डीएसपी काफ्लेले भने।  बसमा दशैं मनाएर काठमाडौं फर्कंदै गरेका यात्रु थिए ।