काठमाण्डु – राष्ट्रिय ‘ए’ डिभिजन फुटसल लिगको उपाधि स्पोट्र्स क्यासल पोखराले जित्न सफल भएको छ । शखंमुल फुटसललाई ४–२ ले हराउँदै स्थानिय टोली स्पोट्र्स क्यासलले उपाधि जित्न सफल भएको हो ।

पोखरास्थित बहुउद्देश्यीय कभर्डहलमा शुक्रबार भएको फाइनलमा स्पोट्र्स क्यासललाई च्याम्पियन बनाउन किशोर गुरुङले ह्याट्रिक पुरा गर्दा विजय गुरुङले एक गोल गरे । शंखमुलका लक्ष्मण थापमगर र मणि लामाले गोल गरेपनि उपाधि जित्न पर्याप्त बनेन ।

खेलको पाँचौ मिनेटमा विजय गुरुङले गोल गर्दै स्पोट्र्स क्यासललाई १-० को अग्रता दिलाए । १०औं मिनेटमा लक्ष्मण थापामगरले गोल गर्दै खेललाई १-१ गोलको बराबरी ल्याए । २०औं मिनेटमा किशोर गुरुङले गोल गर्दे स्पोट्र्स क्यासललाई २–१ को अग्रता दिलाए ।