काठमाडौं– दोस्रो संस्करणको नेपाल स्ट्रोङगेष्ट सुनिललाल जोशी स्मृति भारोत्तोलन प्रतियोगिता अर्को साताबाट सुरु हुने भएको छ।

काठमाडौं जिल्ला भारोत्तोलन संघले बुधबार पत्रकार सम्मेलन गरि प्रतियोगिता असोज १७ र १८ गते हुने आयोजकले बताएको छ ।

दोस्रो संस्करणको अग्नि ब्याङ्क्वेट कुमारी पार्टीमा हुने आयोजकले बताए । भारोत्तोलन संघका पूर्व अध्यक्ष सुनिल लाल जोशीको दोस्रो स्मृति दिवसको समय पारेर आयोजना हुने प्रतियोगितामा विभिन्न तौल समूहमा झन्डै सय जना खेलाडी सहभागिले प्रतिस्पर्धा गर्ने बताए ।

प्रतियोगितामा ३० केजी तौल समूहका प्रतिस्पर्धीले प्रतिस्पर्धा गर्नेछन् । जसमा महिलातर्फ ७ जुनियर र ७ सिनियर रहनेछन् । त्यस्तै, पुरुषतर्फ जुनियर ८ र सिनियर ८ तौल समूहमा प्रतिस्पर्धा हुनेछ ।

प्रतियोगितामा सबैभन्दा धेरै भार उठाउने प्रतिस्पर्धीलाई दोस्रो नेपालको स्ट्रोङ्स्ट मेन्स अवार्ड २०१८ को उपाधि सहित प्रमाणपत्र र नगदसहित एक जनालाई प्रदान गरिनेछ । त्यस्तै महिलातर्फ सबैभन्दा धेरै भार उठाउने महिला खेलाडीलाई दोस्रो नेपालको स्ट्रोङ्स्ट वुमन्स अवाड २०१८ सहित उपाधि, प्रमाण पत्र र नगदसहित पुरस्कृत गरिनेछ ।