काठमाण्डु-शक्ति समूहकी संस्थापक सुनिता दनुवारको निधन भएको छ । मानव बेचबिखन विरुद्धकी अभियन्ता दनुवारको सोमवार बिहान जोरपाटीस्थित निवासमा निधन भएको हो । उनी सुतेकै स्थानमा मृत फेला परेको पारिवारले जनाएको छ ।

उनका श्रीमान उठाउन जाँदा अचेत अवस्थामा फेला पारेका थिए । त्यसपछि अस्पताल लैजाँदा चिकित्सकले मृत घोषणा गरेका थिए । उनको मृत्युको कारण खुलेको छैन ।

उनलाई अमेरिकाको फच्र्युन पत्रिकाले विश्वका ५० विशेष नेतृत्वकर्ता (नेता)को सूचीमा राखेको थियो । दनुवारलाई अमेरिकी विदेश मन्त्रालयले सन् २०१८ मा ‘टिप हिरो’ को रूपमा सम्मान समेत गरेको थियो ।