काठमाण्डु – शिवम् सिमेन्टका कार्यकारी अध्यक्ष डा. सुरेन्द्र कुमार गोयललाई यूरोपियन इन्टरनेशनल यूनिभर्सिटी पेरिस, फ्रान्सद्वारा प्रोफेसनल डक्टरल सर्टिफिकेट इन बिजनेस म्यानेजमेन्ट (विद्यावारीधीको मानार्थ) उपाधी प्रदान गरेको छ ।

उनको कुशल व्यवस्थापन र उनले व्यवसायीक क्षेत्रमा पुर्याएको योगदानको सम्मान गर्दै थाईल्याण्डमा शुक्रबार आयोजित एक समारोहविच उनलाई विद्यावारीधी प्रदान गरेको हाे ।

डा.सुरेन्द्र कुमार गोयल स्थापनाकाल देखिनै शिवम् सिमेन्टमा आबद्ध रही शिवम् सिमेन्टलाई छोटो समयमा ग्राहकहरु माझ लोकप्रिय ब्राण्ड बनाउन सफल भएका छन् ।

उनको कुशल व्यवस्थापन र कार्यदक्षताका कारणले गर्दा नै शिवम् सिमेन्ट नेपालको उत्कृष्ट एवम् गुणस्तरीय ब्राण्ड बन्नुका साथ साथै सर्वसाधारणमा शेयर निस्काशन गरी उच्च प्रतिफल दिने नेपालकै पहिलो लिमिटेड कम्पनी बन्न सफल भएको कम्पनीले बताएकाे छ ।