काठमाण्डु– कीर्तिपुर नगरपालिका वडा नं ३ का वडाध्यक्ष सुवीन्द्र महर्जनले सोहि नगररपालीकाकी कार्यवाहक मेयर शुभलक्ष्मी शाक्यको कार्यलयमा तोडफोड गरेका छन् ।

आज दिउँसो नगरपालिका पुगेका उनले मेयरले समय नदिएको भन्दै कार्यकक्षमा तोडफोड गरेका हुन्। महर्जनले प्रमुख प्रशासकीय अधिकृतले धेरैबेर कुराएको भन्दै कार्यवाहक मेयरसामु रीस पोखेका हुन् ।

बाटो बिस्तार लागि सूचना निकाल्न नगरपालिकाले ढिलाइ गरेको र वडाध्यक्ष महर्जले झण्डै दुई घन्टा प्रतीक्षा गर्नुपरे पछि उक्त उनी आवेगमा आएका थिए ।

वडाध्यक्षहरूलाई समय नदिएको र कार्ययोजनामा छलफल गर्न बोलाएर कुराएको कारण केही विवाद भएको महर्जनको भनाइ रहेकाे छ।

मेयर राजकुमार नकर्मीको निधन भएपछि शुभलक्ष्मीले कार्यवाहक मेयरको जिम्मेवारी सम्हाल्दै आएकी छिन्।